PlayStation -3 வீடியோ கேம் விலையைக் குறைத்தது சோனி நிறுவனம்

உலகளவில் ஏற்பட்ட பொருளாதாரச் சரிவின் காரணமாக வீடியோ கேம் உள்ளிட்ட கணினி தொடர்பான விளையாட்டு உபகரணங்களின் விற்பனை கணிசமாகக் குறைந்தது. இதனால் குறைந்த லாபத்தைக் கருத்தில் கொண்டு PlayStation-3  வீடியோ கேம் பொருட்களின் விலையை ஜப்பானிய நிறுவனமான சோனி கணிசமாகக் குறைத்துள்ளது. டோ க்கியோவில் playstation-3 வீடியோ கேமின் மேம்பட்ட பதிப்பை வெளியிட்ட சோனி கம்ப்யூட்டர் எண்டர்டெயின்மெண்ட் தலைவர், இந்த புதிய பதிப்பு செப்டம்பர் 3 -ஆம் தேதி முதல் ஜப்பானில் விற்பனைச் செய்யப்படும் என்று அறிவித்தார்.
தற்போது புழக்கத்தில் உள்ள playstation-3-இல் வீடியோ கேம் 80 ஜிகாபைட் மெமரி உள்ளது. இதுமட்டுமின்றி playstation-3 வீடியோ கேமின் தற்போதைய விலையை 100 டாலர்கள் வரை குறைத்துள்ளதாக சோனி நிறுவனம் அறிவித்துள்ளது.அதன்படி தற்போது அமெரிக்காவில் 399 டாலர்களுக்கு விற்கப்படும் palaystation-3 இனி 299 டாலர்களுக்கும் ஐரோப்பாவில் 399 யூரோவில் இருந்து 299 யுரோவாகவும் விற்கப்படும் எனக் கூறப்பட்டுள்ளது.